கொலஸ்டிரால்

கொலஸ்டிரால் Cholesterol என்பது என்ன?
1) மிக ஆபத்தான நச்சுபொருள்
2) உடலுக்கு மிக அத்தியாவசியமான மூலப்பொருள்.
இரண்டில் எது சரி? இரண்டாவதுதான்.

கொலஸ்டிரால்தான் உங்கள் உடல் விட்டமின்-Dயை உற்பத்தி செய்ய உதவும் மூலப்பொருள். அது
மட்டுமல்ல ஒருவருக்கு ஆண்மையை அளிக்கும் டெஸ்டிஸ்ட்ரோன், பெண்மையை அளிக்கும் ஈஸ்ட்ரோஜென்
ஆகிய ஹார்மோன்களை உற்பத்தி செய்யத் தேவைப்படுவது கொலஸ்டிரால். அது மட்டுமல்ல உங்கள்
மூளையே ஒரு மிகப்பெரும் கொழுப்பால் ஆன கொலஸ்டிரால் உருண்டைதான். கொலஸ்ட்ரால் இல்லையெனில்
மனித இனமே இல்லை.

கொலஸ்ட்ரால் இத்தனை முக்கிய மூலப்பொருள் என்பதால் உங்கள் உடலின் ஒவ்வொரு கலமும் கொலஸ்ட்ராலை
உற்பத்தி செய்யும் சக்தி படைத்து உள்ளது. நீங்கள் துளி கொலஸ்ட்ரால் இல்லாத அரிசி, பருப்பை மட்டுமே ஆயுள் முழுக்க உண்டு வந்தாலும் உங்கள் உடல் அந்த உணவை கொலஸ்டிராலாக மாற்றும் சக்தி படைத்தது. தனக்குத் தேவையான கொலஸ்ட்ராலை உங்கள் உடல் உற்பத்தி செய்தேதான் தீரும். அது
நீங்கள் உண்ணும் உணவின் மூலம் நேரடியாக கிடைத்தால்தான், உற்பத்தி செய்யும் கொலஸ்ட்ராலின்
அளவை உங்கள் உடல் அதற்கு ஏற்ப குறைத்துக் கொள்ளும். உங்கள் உணவில் கொலஸ்டிரால் இல்லையெனில்,
உங்கள் உடல் நீங்கள் உண்ணும் உணவில் உள்ள சர்க்கரை சத்தை கொலஸ்டிராலாக மாற்றும்.

ஆக “கொலஸ்டிரால் ப்ரீ, ஃபேட் ப்ரி” Cholesterol free, Fat free என விளம்பரம்
செய்யப்பட்டு விற்கபடும் உணவுகளால் எந்த நன்மையும் இல்லை. பன்றி புல்லைத்தான் உண்கிறது. அப்புறம் எப்படி அதன் உடலில் இத்தனை கொழுப்பு சேர்கிறது?

கொலஸ்ட்ரால் அதிகரித்தால் ஆபத்து எனப் படிக்கிறோம். கொலஸ்ட்ரால் குறைவால் என்ன ஆகும் என படிக்கிறோமா? உங்கள் மொத்த கொலஸ்ட்ரால் எண் 160க்கு கீழே போனால் நீங்கள் மன அழுத்தத்தால்
பாதிக்கப்படும் வாய்ப்பு மிக அதிகம். உங்கள் தாம்பத்திய வாழ்க்கை பாதிக்கப்படலாம்.
மாரடைப்பு வரலாம். ஆம் உண்மைதான். கொலஸ்ட்ரால் குறைவாக இருந்தால் மாரடைப்பு வராது என பொருள் இல்லை.

சொல்லப்போனால் மாரடைப்பு வந்தவர்களில் 75% பேர் பாதுகாப்பான LDL அளவு என சொல்லப்படும் 130க்கு கீழே கொலஸ்ட்ரால் அளவு கொண்டவர்கள் தான். இன்னொரு தடவை சொல்கிறேன். உங்களுக்கு
கொலஸ்ட்ரால் குறைவாக இருந்தால் உங்களுக்கு மாரடைப்பு வராது என பொருள் இல்லை. அல்லது
உங்கள் கொலஸ்ட்ரால் எண் அதிகமாக இருந்தால் உங்களுக்கு மாரடைப்பு வரும் எனவும் பொருள் இல்லை.

நீங்கள் உண்ணும் உணவில் உள்ள கொழுப்புக்கும் உங்கள் இரத்தத்தில் உள்ள கொலஸ்ட்ரால் அளவுக்கும்
உங்களுக்கு மாரடைப்பு வருமா, வராதா என்பதற்கும் கண்டிப்பாக தொடர்பு  கிடையாது.

மாரடைப்பு நோயாளிகளில் பாதிப் பேர் நல்ல ஆரோக்கியமான கொலஸ்ட்ரால் எண்களை கொண்டவர்கள்
(மொத்த கொலஸ்ட்ரால் < 200.  LDL < 130) உங்கள் மொத்த கொலஸ்ட்ரால் 330 தாண்டினால் தான்
அது உங்களுக்கு மாரடைப்பு வருமா, வராதா என்பதைக் கணிக்கும் சக்தியை பெறுகிறது. ஆனால்
உங்கள் கொலஸ்ட்ரால் எண் 160க்கு கீழே விழுந்தால் அது உங்கள் விரக்தி, மன அழுத்தம் முதலிய
பலவற்றுக்கு உடனடி காரணம் ஆகிறது.

அப்புறம் ஏன் கொலஸ்ட்ரால் இப்படி வில்லன் அந்தஸ்தை பெறுகிறது? தவறான சில ஆய்வுகள்,
அரசியல் கமிட்டிகள், வணிக நிர்ப்பந்தங்கள்!!

ஒரு உதாரணம் சொல்லவேண்டுமெனில் BMI (Body mass Index) எனும் எண்ணை அறிந்திருப்பீர்கள்.
உங்கள் BMI-ஐ 25 தாண்டி இருந்தால் நீங்கள் கூடிய எடை உடையவர் எனும் வகையை அடைகிறீர்கள்.
BMI 25க்கு கீழ் இருந்தால் நீங்கள் சாதாரண அளவு.

BMI வரைபின்படி அதிபர் ஜார்ஜ் புஷ் நிறை கூடியவர். ஆனால் அவருக்கு உடலில் எந்தக்
கோளாறும் இல்லை. அவரைப் பார்த்தால் குண்டர் மாதிரியா தெரிகிறது?

தொன்னூறுகளில் கூடிய எடைக்கான BMI 28 ஆக இருந்தது. திடீரென ஒரே நாளில் அமெரிக்க
அரசு அதை 25 ஆக குறைத்தது. ஆக ஒரு இரவில் சுமார் 4 கோடி அமெரிக்கர்கள் குண்டர்கள்
ஆனார்கள்.

25 தான் சாதாரண அளவு BMI என முடிவு செய்தது யார்? ஒரு ஐ.நா சபை கமிட்டி தலைவர். அந்த கமிட்டியின் தலைவர் ஒரு எடை குறைப்பு மருந்தை தயாரிக்கும் கம்பனியில் பணி
ஆற்றியவர். கான்ஸ்பைரசி தியரி (வரலாற்று ஆசிரியர்களால் நிராகரிக்கபட்ட தியரிகள்)
எழுதுவதானால் எப்படியும் எழுதலாம். ஆனால் என் நோக்கம் அது அல்ல. ஆனால் ஒன்றை தெளிவாகச்
சொல்லமுடியும்.

நீங்கள், ஒரு எடையை குறைக்கும் மருந்தை தயாரிக்கும் கம்பனி போர்டு மீட்டிங்கில்
இருக்கிறீர்கள் என வைத்துகொள்வோம். BMI சாதாரணஅளவு என்பதன் அளவீடு 28ல் இருந்து 25 ஆக
குறைகிறது. உடனே ஒரே வினாடியில் உங்கள் மருந்துகளுக்கு மேலும் பல கோடி
வாடிக்கையாளர்கள் சேர்வார்கள். போர்டு மீட்டிங்கில் எப்படி கைதட்டல் எழும் என்பதை யூகிக்க
முடிகிறதா?

அரசாங்கம் வேண்டும் என்றே சதியில் ஈடுபடுகிறது என கூறுவதில் பொருள் இல்லை. அரசின்
நோக்கம் 25 BMI என்பது 28 BMI-ஐ என்பதை விட மக்களுக்கு பாதுகாப்பு எனும் நோக்கிலேயே
இருக்கும். ஆனால் நன்றாக இருப்பவர்களை நோயாளி ஆக்கிதான் இதை செய்யவேன்டுமா? வேறுவழி
இல்லையா? சிந்திப்போம்!.